Nga Ingoa o Io

 

Ko Io.

Ko ia nei tona ingoa tuatahi.

Ko Io-Nui.

Ko tenei ingoa ona e whakaatu ana i tona nui.

Ko Io-Roa.

Ko tenei ingoa ona e whakaatu ana i te kore mutunga ona.

Ko Io-Matua

Ko tenei e whakaatu ana ko ia te matua o nga mea katoa.

Ko Io-te-Wananga.

E whakaatu ana ko ia te matauranga o nga mea katoa.

Ko Io-Taketake.

E whakaatu ana ko ia te Atua tuturu me ana mahi e tuturu ana e kore e taea te nekeneke.

Ko Io-te-Waiora.

Ko ia te ora o nga mea katoa he waiora nei tona.

Ko Io-Matangaro.

(E whakaatu ana) e kore ia e kitea te tangata e nga mea katoa.

Ko Io-Tikitiki-o-Rangi.

Ko ia te Atua o nga rangi katoa.

Ko Io-te-Whiwhia.

Ko ia te Atua, e kore te tangata e whiwhi i ana mea katoa i hiahia (ai).

Ko Io-Mataaho.

Ko te kite a te tangata i a Io he kite aho kau, ehara i te kite tuturu.

Anei ano pea etahi o ona ingoa. Ko nga mea tenei i mau mai i au.

 

previous | contents | next